Sidan 1888 har familien Berntsen bakt brød til sunnfjordingar. Ole Berntsen sende ferske bollar og brød med båt til grendene ved fjorden. Sidan kom det betre veg, Jetmund og Ingrid Berntsen selde varene frå brødbilen. Frå sentrum av Naustdal strøymde kvar morgon lukta av ferske skillingsbollar og nysteikte grovbrød.

I 1986 var lokalet vorte for lite, og Ragnar og Olav flytta produksjonen til Kronborg I Førde. Tradisjonane er med når no fjerde generasjon Berntsen styrer bakeriet. Saman med engasjerte og røynde medarbeidarar jobbar vi kvar dag, for å ta vare på den gode smaken vi er blitt kjend for.